სოციალური პროექტი "მე, შენ, ჩვენ"

პროექტის იდეა:

რუსთავი ყოველთვის ითვლებოდა მეგობრულ ქალაქად სადაც მეტალურგიული ქარხნის აშენებით და ქალაქის დაარსების დღიდან ცხოვრობს სხვადასხვა ეროვნების და წარმოშობის ხალხი. შესაბამისად ჩვენს სკოლაში არიან სხვადასხვა ეროვნების წარმომედგენელი მოსწავლეები. სამწუხაროდ ვიყავი ისეთი ფაქტის მომსწრე როდესაც მოსწავლეებს სხვადასხვა ეროვნების მიმართ არასწორი სტერეოტიპული შეხედულებები გაუჟღერებიათ, რაც ჩემი აზრით არასაკმარისი ინფორმირებულობის შედეგად ხდება. გადავწყვიტე განმეხორციელებინა ისეთი პროექტი რომელიც მოსწავლეებს მისცემს დამატებით ან/და ახალ ცოდნას სხვადასხვა კულტურულ სხვაობებზე, გახდის მათ მეტად ტოლერანტ საზოგადოების სხვა წარმომადგენლების მიმართ.

საფეხური/კლასი : საბაზო, საშუალო

პროექტის განხორციელების დრო: 2 კვირა

პროექტის მიზანი:

სკოლაში ქართველი და ეთნიკური უმცირესობების წარმომედგენელი მოსწავლეების დაახლოება. ტოლერანტული უნარჩვევების განვითარება და ურთიერთთანამშრომლობა.

ამოცანები:

1.       ეთნიკური უმცირესობების კულტურული თავისებურებების გაცნობა ქართველი მოსწავლეებისთვის, მშობლების და მასწავლებლებისათვის.

2.       ქართველი და ეთნიკური უმცირესობების წარმომადგენელი მოსწავლეების ურთიერთთანამშრომლობა.

მოსალოდნელი შედეგები:

პროექტის განხორციელების შედეგად სკოლის მოსწავლეები, მშობლები, მასწავლებლები და სასკოლო თემი ინფორმირებული იქნება რუსთავში არსებული ეთნიკური უმცირესობების კულტურული თავისებურებების შესახებ.

          პროექტის მდგრადობა:

პროექტი იქნება სიცოცხლისუნარიანი, ეთნიკური უმცირესობების წარმომადგენლები და ქართველი მოსწავლეები მჭიდროდ დამეგობრდებიან და გააგრძელებენ ერთობლივი ღონისძიებების ორგანიზებას.

            შესაძლო რისკები:

შესაძლებელია მოსწავლეთა, სასკოლო თემის დაბალი ჩართულობა.

           

პროექტის განხორციელების აქტივობები:

1.    შეხვედრის  ორგანიზება  სკოლაში,  პროექტის იდეიის გაცნობა სკოლის ადმინისტრაციისა, მშობლებისა  და მოსწავლეებისათვის.

2.    საინიციატივო ჯგუფების დაკომპლექტება.

3.    პროექტის მიზნებისა და განსახორციელებელი გეგმის შემუშავება.

4.    საინიციატივო ჯგუფებმა უნდა შექმნან Power Point-ის პრეზენტაციები სკოლაში არსებული ეთნიკური უმცირესობების ტრადიციებზე.

5.    შუალედური მონიტორინგი.

6.    სკოლის სააქტო დარბაზში პრეზენტაციების წარმოდგენა სასკოლო თემისთვის, მოსწავლეებისთვის და მშობლებისათვის. პროექტის შეჯამება.

დასახელება	I კვირა	II კვირა	პასუხისმგებელი
შეხვედრა სასკოლო თემთან და სასკოლო საზოგადოებასთან პროექტის მიზნებისა და განსახორციელებელი გეგმის გაცნობა			ისტ-ის მასწავლებელი დარიკო ხუბაშვილი
მოსწავლეებისათვის  მასტერკლასის მოწყობა Power Point-ის პრეზენტაციის ეფექტურად გამოყენების შესახებ			ისტ-ის მასწავლებელი დარიკო ხუბაშვილი
ინფორმაციის მოძიება ეთნიკური უმცირესობების ტრადიციების შესახებ			ისტ-ის მასწავლებელი დარიკო ხუბაშვილი
შუალედური მონიტორინგი (ფოკუს ჯგუფში გამოკითხვა)			ისტ-ის მასწავლებელი დარიკო ხუბაშვილი
მოსწავლეების მიერ გამზადებული მასალის პრეზენტაცია. პროექტის დახურვა			ისტ-ის მასწავლებელი დარიკო ხუბაშვილი
პროქტის საბოლოო მონიტორინგი (მონაწილეთა ანკეტირება) და შეფასება			პროქტის საბოლოო მონიტორინგი (მონაწილეთა ანკეტირება) და შეფასება